मुरूम (जिल्हा: धाराशीव ) येथील श्री महात्मा बसवेश्वर नागरी सहकारी पतसंस्थेची १६ वी वार्षिक सर्वसाधारण सभा श्रीराम मंगल कार्यालयात नुकतीच उत्साहाच्या वातावरणात पार पडली. अध्यक्षस्थानी पतसंस्थेचे चेअरमन शिवशरण वरनाळे हे होते. सभेत ३१ मार्च २०२५ च्या ताळेबंद, नफातोटा व विविध विषयांवर सविस्तर चर्चा करताना श्री. वरनाळे म्हणाले की, यंदाच्या आर्थिक वर्षात या पतसंस्थेस २९ लाख ९३ हजार ८२८ रुपयांचा निव्वळ नफा झाला असून या पतसंस्थेकडे यंदा १३ कोटी ४० लाख ७२ हजार ९४९ रुपयांच्या ठेवी, तर संस्थेने यंदाच्या आर्थिक वर्षात १ कोटी ५३ लाख १६ हजार ४४५ रुपयांचे कर्ज वाटप केलेले आहे. संस्थेची गुंतवणूक ४ कोटी ८५ लाख १३ हजार १२७ रुपये असून या संस्थेचे ३७२० सभासद आहेत. संस्थेला स्थापनेपासूनच ऑडिट वर्ग 'अ' दर्जा प्राप्त असून संपूर्ण संगणकीकृत, मानाचा विभागीय दीपस्तंभ पुरस्कार प्राप्त झाला असल्याचे अध्यक्षीय भाषणात त्यांनी सांगितले.
यावेळी शिवसेना नेते भीमराव वरनाळे, चंद्रशेखर मुदकण्णा, शिवसेना तालुका प्रमुख बळीमामा सुरवसे, जगन्नाथ पाटील, व्यंकटराव पाटील, तानाजी फुकटे, चेतन पाटील, सायबणप्पा हिरमुखे, प्राचार्य दत्तात्रय इंगळे, चेतन पाटील, किसन खंडागळे, देवानंद बिराजदार, प्रशांत मुदकण्णा, भागवत सोनवणे, शंकर पाटील, भगत माळी, खय्युम चाकूरे आदींची प्रमुख उपस्थिती होती. प्रारंभी मान्यवरांच्या हस्ते महात्मा बसवेश्वर यांच्या पुतळ्यास पुष्पहार घालून अभिवादन करण्यात आले. सभेतील विषय पत्रिकेचे वाचन शाखाधिकारी दत्तात्रय कांबळे यांनी करून सर्व ठरावास एकमताने सहमती घेतली. किसन खंडागळे यांनी याप्रसंगी मनोगत व्यक्त केले.
पतसंस्थेचे उपाध्यक्ष शरणप्पा मुदकण्णा, सचिव कमलाकर जाधव, संचालक संगीता अशोक जाधव, वंदना सोनवणे, मनिष मुदकण्णा, श्रीशैल बिराजदार, बाबासाहेब पाटील, इंद्रजित लोखंडे, कॅशिअर चिदानंद स्वामी, राजेंद्र मुदकण्णा, प्रशांत काशेट्टे, सचिन कंटेकूरे, नेहा रावळकर, संतोष मुदकण्णा, महातंय्या स्वामी, गुंडेराव गुरव गुरव आदींनी पुढाकार घेतला. या कार्यक्रमाचे प्रास्ताविक प्राचार्य दत्तात्रय इंगळे यांनी केले. सभेचे सूत्रसंचालन संचालक मनोज बाँदर यांनी तर आभार अमृत वरनाळे यांनी मानले. यावेळी पंचक्रोशीतून बहुसंख्येने सभासद, पदाधिकारी व नागरिक उपस्थित होते.
