देशातील सर्वात मोठी सार्वजनिक क्षेत्रातील बँक असलेल्या State Bank of India (SBI) ने निवृत्त बँक अधिकारी व कर्मचाऱ्यांसाठी भरती जाहीर केली आहे. बँकिंग क्षेत्रातून निवृत्त झाल्यानंतर पुन्हा करिअर सुरू करू इच्छिणाऱ्यांसाठी ही सुवर्णसंधी मानली जात आहे. विशेष म्हणजे या भरती प्रक्रियेत कोणतीही लेखी परीक्षा घेतली जाणार नाही; उमेदवारांची निवड केवळ शॉर्टलिस्टिंग आणि मुलाखतीद्वारे केली जाणार आहे.
एसबीआयने FLC (Financial Literacy Centre) समुपदेशक आणि FLC संचालक या पदांसाठी एकूण २५७ जागांची अधिसूचना प्रसिद्ध केली आहे. अर्ज प्रक्रिया ५ फेब्रुवारी २०२६ पासून सुरू झाली असून २६ फेब्रुवारी २०२६ ही अर्जाची अंतिम तारीख आहे. इच्छुक उमेदवारांनी बँकेच्या अधिकृत वेबसाइट sbi.bank.in वर ऑनलाइन अर्ज करायचा आहे.
बँक: State Bank of India (SBI)
पदाचे नाव: FLC समुपदेशक व FLC संचालक
एकूण पदे: २५७
अर्ज सुरू: ५ फेब्रुवारी २०२६
अंतिम तारीख: २६ फेब्रुवारी २०२६
वयोमर्यादा: किमान ६० वर्षे व कमाल ६३ वर्षे
निवड प्रक्रिया: शॉर्टलिस्टिंग + १०० गुणांची मुलाखत + गुणवत्ता यादी
करार कालावधी: किमान १ वर्ष ते कमाल ३ वर्षे (कमाल वय ६५ वर्षे पूर्ण होईपर्यंत)
पगार: पगारावर आधारित
स्केल १ ते स्केल ४ पर्यंतचे निवृत्त बँक अधिकारी/आरआरबी अधिकारी अर्ज करू शकतात.
पुरेसे अधिकारी उपलब्ध नसल्यास निवृत्त एसबीआय लिपिक कर्मचारी देखील पात्र.
कोणतीही विशिष्ट शैक्षणिक पदवी अनिवार्य नाही.
वित्तीय संस्थांचे चांगले ज्ञान आणि स्थानिक भाषेवर प्रभुत्व आवश्यक.
SBI/इतर सार्वजनिक क्षेत्रातील बँका/आरआरबीमधील स्केल II किंवा त्यावरील निवृत्त अधिकारी पात्र.
शैक्षणिक पदवीची अट नाही.
आर्थिक विषय समजावून सांगण्याची क्षमता व स्थानिक भाषेचे ज्ञान आवश्यक.
SBI च्या अधिकृत वेबसाइटला भेट द्या – sbi.bank.in
जाहिरात क्रमांक CRPD/RS/2025-26/23 अंतर्गत संबंधित भरती लिंक निवडा.
प्रथमच अर्ज करत असल्यास नोंदणी प्रक्रिया पूर्ण करा.
मोबाईल नंबर, ईमेल आयडी व इतर तपशील अचूक भरा.
लॉग-इन करून शैक्षणिक माहिती, १० वर्षांचा अनुभव, श्रेणी व पत्ता भरा.
आवश्यक कागदपत्रे अपलोड करा:
रिज्युम (1024KB पर्यंत)
छायाचित्र (20-50 KB)
स्वाक्षरी (10-20 KB)
ओळखपत्र, जन्मतारीख पुरावा, जात/EWS प्रमाणपत्र (लागू असल्यास)
अर्ज शुल्क भरून अंतिम सबमिट करा व प्रिंटआउट सुरक्षित ठेवा.
एसबीआयच्या या भरतीमुळे निवृत्त अधिकाऱ्यांना त्यांचा अनुभव पुन्हा वापरण्याची संधी मिळणार आहे. आर्थिक साक्षरता केंद्रांमार्फत ग्रामीण व शहरी भागातील नागरिकांना आर्थिक सल्ला देणे, बचत व गुंतवणुकीबाबत मार्गदर्शन करणे ही महत्त्वाची जबाबदारी या पदांवर असेल.
लेखी परीक्षा नसल्यामुळे निवृत्त उमेदवारांसाठी ही प्रक्रिया अधिक सोपी आणि सुलभ ठरते. बँकिंग क्षेत्रातील अनुभवी व्यक्तींना समाजोपयोगी कार्य करण्याची आणि अतिरिक्त उत्पन्नाची संधी या माध्यमातून उपलब्ध होत आहे.
अधिक माहितीसाठी आणि अधिकृत अधिसूचना पाहण्यासाठी उमेदवारांनी SBI च्या अधिकृत वेबसाइटला भेट द्यावी.
