पुणे येथील जनसेवा सहकारी बँकेने आपल्या प्रशासकीय कामात सुधारणा करून रिझर्व्ह बँकेच्या नियामक निर्देशांचे कठोर पालन करीत आपली आर्थिक स्थिती मजबूत केलेली आहे. बँकेच्या प्रगतशील कामगिरीमुळे रिझर्व्ह बँक ऑफ इंडिया (RBI) ने जनसेवा सहकारी बँक लिमिटेड, हडपसर, पुणे वर लादलेला पर्यवेक्षी कृती आराखडा (SAF) अधिकृतपणे रद्द केलेला आहे.
रिझर्व्ह बँकेकडून SAF निर्बंध मागे घेतल्याने बँकेने आपली आर्थिक स्थिती मजबूत केल्याचे , सुधारित प्रशासन मानके आणि नियामक निर्देशांचे पालन केल्याचे दिसून येते.
याबाबत सहकारी आणि भागधारकांना संबोधित करताना, मुख्य कार्यकारी अधिकारी शिरीष पोलेकर यांनी सदस्य, ग्राहक, नियामक आणि व्यापक सहकारी बँकिंग क्षेत्राकडून वेळोवेळी मिळत असलेल्या पाठिंब्याबद्दल कृतज्ञता व्यक्त केली.
श्री.पोलेकर म्हणाले, "एसएएफ काढून टाकणे हे एक महत्त्वाचे पाऊल आहे आणि सहकारी बँकिंग क्षेत्राला नवीन आत्मविश्वास आणि जबाबदारीसह मजबूत करण्याच्या आमच्या वचनबद्धतेला यामुळे बळकटी मिळणार आहे."
आरबीआयच्या निर्णयामुळे, जनसेवा सहकारी बँक आता अधिक आत्मविश्वासाने आणि नव्या जोमाने आपले कामकाज वाढविण्यास सज्ज झालेली आहे.
