भारतीय रिझर्व्ह बँकेकडून (RBI) गुजरातस्थित जुनागढ कमर्शियल को-ऑपरेटिव्ह बँकेला नागरी सहकारी बँकिंग क्षेत्रात,सुदृढ आर्थिक स्थिती आणि गुणवत्तापूर्ण व्यवस्थापनेसाठी देण्यात येणारा (FSWM) दर्जा प्राप्त झाला आहे.
आरबीआयने नुकत्याच जारी केलेल्या पत्रव्यवहारात स्पष्ट करण्यात आले आहे की, १ डिसेंबर २०२२ च्या मार्गदर्शक तत्त्वांनुसार, बँकेचा ३१ मार्च २०२५ च्या आर्थिक स्थितीच्या आधारे एफएसडब्ल्यूएम दर्जा मान्य करण्यात आलेला आहे.
या मान्यतेमुळे बँकेला सुशासित आणि आर्थिकदृष्ट्या मजबूत सहकारी संस्थांमध्ये स्थान मिळाले आहे, यामुळे ठेवीदार आणि भागधारकांमध्ये बँकेची विश्वासार्हता वाढणार असून बँक व्यवस्थापनाला अधिक वाढीच्या संधींचा पाठलाग करण्यास सक्षम केले आहे.
RBI ने बँकेला बोर्ड-स्तरीय ऑडिट आणि आर्थिक तपासणीनंतर, दरवर्षी FSWM नियमांचे पालन पुनरावलोकन करण्याचा सल्लाही दिलेला आहे. ही प्रक्रिया पर्यवेक्षी पुनरावलोकनाखाली राहील.
हा एक महत्त्वाचा टप्पा सर करत, बँकेने तिच्या मजबूत आर्थिक आरोग्य आणि प्रशासन मानकांची पुष्टी केली आहे. बँकेकडे ३१ मार्च २०२५ अखेर, १६ शाखांचे नेटवर्क असून ६१६ कोटी रुपयांपेक्षा जास्त व्यवसाय केला आहे आणि ४.५० कोटी रुपयांचा निव्वळ नफा नोंदवलेला आहे.