केंद्र सरकारने आधार आणि पॅन कार्ड लिंक करण्याची अंतिम मुदत ३१ डिसेंबर २०२५ पर्यंत वाढवली आहे. जर ही प्रक्रिया वेळेत पूर्ण केली नाही, तर १ जानेवारी २०२६ पासून तुमचे पॅन कार्ड निष्क्रिय होईल.
पॅन निष्क्रिय झाल्यास अनेक आर्थिक व्यवहारांवर परिणाम होईल — तुम्हाला कर भरता येणार नाही, कर रिफंड मिळणार नाही, तसेच पगार बँक खात्यात जमा होणेही कठीण होणार आहे.
कर तज्ज्ञांनी नागरिकांना लवकरात लवकर ही प्रक्रिया पूर्ण करण्याचा सल्ला दिला असून, वेळेत लिंक केल्यास सर्व आर्थिक आणि कर व्यवहार सुरळीत सुरू राहतील.
नवीन बँक खाते किंवा डिमॅट खाते उघडता येणार नाही
₹५०,००० पेक्षा जास्त रोख ठेव करता येणार नाही
गुंतवणूक, SIP, ट्रेडिंग थांबेल
सरकारी आर्थिक योजना मिळणार नाहीत
कर्ज अर्ज स्वीकारला जाणार नाही
घर, वाहन खरेदी-विक्री करता येणार नाही
बिलिंग आणि कर भरणे थांबेल
परकीय चलन व्यवहार बंद होतील
https://www.incometax.gov.in या इन्कम टॅक्स ई-फायलिंग पोर्टलला भेट द्या
"Link Aadhaar" टॅबवर क्लिक करा
तुमचा PAN आणि Aadhaar क्रमांक प्रविष्ट करा
मोबाईलवर आलेला OTP टाका
प्रक्रिया पूर्ण झाल्यानंतर लिंकिंगची पुष्टी मिळेल
अर्थ मंत्रालयाच्या ३ एप्रिल २०२५ च्या अधिसूचनेनुसार, १ ऑक्टोबर २०२४ पूर्वी ज्यांना एनरोलमेंट आयडीच्या आधारे पॅन कार्ड मिळाले आहे, त्यांनी आपला आधार क्रमांक ३१ डिसेंबर २०२५ पर्यंत कर विभागाला कळवणे बंधनकारक आहे.