मुंबई : महाराष्ट्रातील अग्रगण्य अनुसूचित सहकारी बँकांपैकी एक असलेल्या जी.एस. महानगर को-ऑपरेटिव्ह बँक लिमिटेड येथे व्यवस्थापकीय संचालक (Managing Director) या सर्वोच्च पदासाठी पात्र आणि अनुभवी उमेदवारांकडून अर्ज मागविण्यात येत आहेत.
लालबाग, मुंबई येथे मुख्यालय असलेल्या या बँकेचे महाराष्ट्रभर ७० शाखांचे मजबूत जाळे असून बँकेचा एकूण व्यवसाय ४,६०० कोटी रुपयांपेक्षा अधिक आहे. दीर्घकालीन विकास, आधुनिक बँकिंग पद्धतींचा अवलंब आणि संस्थेचा विश्वास अधिक दृढ करण्यासाठी बँक प्रशासनाकडून सक्षम नेतृत्वाची आवश्यकता असल्याचे स्पष्ट करण्यात आले आहे.
बँकेने दिलेल्या माहितीनुसार, ही जबाबदारी सांभाळणाऱ्या उमेदवारामध्ये नेतृत्वगुण, धोरणात्मक निर्णयक्षमता, बँकिंग क्षेत्रातील सखोल अनुभव तसेच कार्यक्षम व्यवस्थापन कौशल्ये असणे अपेक्षित आहे. निवड होणाऱ्या व्यवस्थापकीय संचालकाकडून बँकेचा विस्तार, आर्थिक स्थैर्य आणि तंत्रज्ञानाधारित बँकिंग सेवा अधिक सक्षम करण्याची जबाबदारी असेल.
या पदासाठी आवश्यक शैक्षणिक पात्रता, अनुभव, वयोमर्यादा तसेच इतर अटी व शर्ती बँकेच्या अधिकृत संकेतस्थळावर प्रसिद्ध करण्यात आल्या आहेत. इच्छुक उमेदवारांनी www.gsmahanagar.bank.in या संकेतस्थळावर जाऊन सविस्तर माहिती पाहावी, असे आवाहन करण्यात आले आहे.
सर्व पात्र उमेदवारांनी आपले अर्ज recruit@gsmahanagar.bank.in या ई-मेल पत्त्यावर १५ जानेवारी २०२६ पर्यंत पाठवावेत. दिलेल्या मुदतीनंतर आलेले अर्ज विचारात घेतले जाणार नाहीत, असेही बँकेकडून स्पष्ट करण्यात आले आहे.
ही संधी अनुभवी बँकिंग व्यावसायिकांसाठी नेतृत्वाची मोठी जबाबदारी स्वीकारण्याची आणि सहकारी बँकिंग क्षेत्रात ठसा उमटविण्याची महत्त्वाची संधी मानली जात आहे.