आटपाडीच्या वीरशैव पतसंस्थेच्या झरे शाखेचा दिमाखदार शुभारंभ!

आटपाडी : आटपाडी येथील प्रतिष्ठित ‘वीरशैव ग्रामीण बिगरशेती सहकारी पतसंस्थे’ने आपल्या विस्ताराच्या दिशेने महत्त्वाचे पाऊल उचलले असून, संस्थेच्या नवीन ‘झरे’ शाखेचा उद्घाटन सोहळा नुकताच अत्यंत उत्साहात पार पडला. गुरुमूर्ती निर्वाण रुद्रपशुपती कोळेकर महास्वामी यांच्या शुभहस्ते फित कापून शाखेचे उद्घाटन करण्यात आले.

उद्घाटनप्रसंगी संस्थेची आर्थिक स्थिती स्पष्ट करताना अध्यक्ष अजित भिंगे आणि उपाध्यक्षा शिल्पा हेकणे यांनी माहिती दिली की, संस्थेने अल्पावधीतच ग्रामीण भागात विश्वासाचे नाते निर्माण केले आहे. संस्थेच्या आर्थिक प्रगतीचा आढावा खालीलप्रमाणे आहे:

• एकूण ठेवी: २४ कोटी २६ लाख रुपये.

• कर्जवाटप: २२ कोटी ५७ लाख रुपये.

• एकूण व्यवसाय: मार्चअखेर ४८ कोटी ८४ लाख रुपये.

• भागभांडवल व स्वनिधी: २ कोटी ३२ लाख रुपये भागभांडवल आणि ३ कोटी ५५ लाख रुपयांचा स्वनिधी संस्थेकडे उपलब्ध आहे.

• गुंतवणूक: ६ कोटी ५६ लाख रुपयांची यशस्वी गुंतवणूक.

या सोहळ्याला राजकीय आणि सामाजिक क्षेत्रातील अनेक दिग्गज उपस्थित होते. जि.प.चे माजी अध्यक्ष अमरसिंह देशमुख, नारायण चवरे, पंचायत समितीचे सभापती दत्तात्रय पाटील, वैशाली कातुरे, अंकुश पाटील, बाजार समितीचे सभापती संतोष पुजारी आणि अजयकुमार भिंगे, भगवानराव पाटील यांची प्रमुख उपस्थिती लाभली होती.

कार्यक्रमाच्या यशस्वीतेसाठी शंकर माने, गजानन राजमाने, मदन कातुरे, कैलास वाघमारे, रामचंद्र राऊत, गौरिहार राजमाने, महेश डोंगरे, दत्तात्रय सोळसे, शिवाजी चवरे, चंद्रकांत कारंडे, नारायण भानुसे, चंद्रकांत घोरपडे, देवानंद घोणते, रामचंद्र सासणे, सोमनाथ पाटील, बापूसाहेब वाघमारे, चंद्रकांत नष्टे, अजित राजमाने, संजय आंधळकर, गणेश आंधळकर, मिलिंद होनराव, महेश चांडवले, प्रफुल्ल झाडे, रुपेश राजमाने, दिनेश भिंगे, भारत डिगोळे, रमेश भिंगे, भारत जवळे, संगम डोंबे, केदारनाथ भिंगे, राहुल घोगंडे, अमोल राजमाने, राहुल हेकणे, विजय डिगोळे, वृषाली कुंभार, इम्रान मुल्ला, अतुल शिनगारे, सतीश कुमार, गजानन भिंगे, समाधान स्वामी आणि श्री. पांढरे आदींसह मोठ्या संख्येने सभासद व नागरिक उपस्थित होते.

नवीन शाखेच्या उद्घाटनामुळे झरे परिसरातील ग्राहकांना आता आधुनिक व तत्पर बँकिंग सेवा अधिक सोयीस्करपणे उपलब्ध होणार आहेत.