जयसिंगपूर: सहकारी बँकिंग क्षेत्रात आपल्या विश्वासार्हतेचा ठसा उमटवणाऱ्या यड्राव को-ऑपरेटिव्ह बँक लि; यड्रावने ३१ मार्च २०२६ अखेर संपलेल्या आर्थिक वर्षात नेत्रदीपक कामगिरी नोंदवली आहे. बँकेने ४०० कोटी रुपयांच्या एकूण व्यवसायाचा (Business Mix) टप्पा यशस्वीपणे पार केला असून, अत्यंत शिस्तबद्ध नियोजनामुळे बँकेचा निव्वळ एनपीए (Net NPA) शून्य टक्क्यांवर राखण्यात यश आले आहे.
बँकेने जाहीर केलेल्या आकडेवारीनुसार, विविध आर्थिक निकषांवर बँकेने भक्कम पकड मिळवली आहे:
ठेवी (Deposits): बँकेकडे ३१ मार्च अखेर २५१.४७ कोटी रुपयांच्या ठेवी जमा आहेत.
कर्जवाटप (Loans): बँकेने एकूण १६४.१७ कोटी रुपयांचे कर्जवाटप केले आहे.
नफा क्षमता: बँकेने ४.८८ कोटी रुपयांचा ढोबळ नफा (Gross Profit) कमावला असून, सर्व तरतुदी वजा जाता ३.३९ कोटी रुपयांचा निव्वळ नफा (Net Profit) मिळवला आहे.
सी.डी. रेशो (CD Ratio): बँकेचा कर्ज-ठेवी रेशो ६५.२८% इतका संतुलित आहे.
भांडवल पर्याप्तता (CRAR): रिझर्व्ह बँकेच्या निकषांनुसार बँकेचे भांडवल पर्याप्तता प्रमाण १४.८३% इतके मजबूत आहे.
बँकिंग क्षेत्रात कर्जाची गुणवत्ता महत्त्वाची मानली जाते. यड्राव बँकेने आपला Gross NPA १.९२% वर मर्यादित ठेवला आहे, तर Net NPA ०.००% राखून आपली आर्थिक स्थिती अत्यंत सुरक्षित असल्याचे सिद्ध केले आहे.
बँकेने गाठलेल्या या ४०० कोटींच्या टप्प्याबद्दल संस्थेचे चेअरमन, सर्व संचालक मंडळ, सभासद, ठेवीदार, कर्जदार, हितचिंतक आणि अहोरात्र कष्ट करणाऱ्या कर्मचाऱ्यांचे सर्वत्र अभिनंदन होत आहे. "बँकेची प्रगती ही ग्राहकांच्या विश्वासामुळे आणि पारदर्शक कारभारामुळे शक्य झाली आहे," अशी भावना व्यवस्थापनाकडून व्यक्त करण्यात आली आहे.