डिजिटल व्यवहाराची दुनिया आता आणखी सोपी होत आहे. लवकरच ग्राहक आपल्या मोबाईलमधील यूपीआय (UPI) अँपद्वारे लहान-मोठ्या खर्चासाठी कर्ज घेऊ शकतील. या नव्या सुविधेत ५ हजार रुपयांपर्यंतचे कर्ज घेता येईल आणि ते इंटरेस्ट फ्री असेल, म्हणजे व्याजाशिवाय पैसे परत करण्यासाठी काही दिवसांचा कालावधी मिळेल.
याचा अर्थ, ग्राहकांनी संबंधित तारखेच्या आत पेमेंट केल्यास कोणतेही अतिरिक्त शुल्क किंवा व्याज लागणार नाही. या सुविधेमुळे आता ग्राहकांना प्रत्यक्ष क्रेडिट कार्ड न घेता, मोबाइलमधील यूपीआय अँपद्वारे कर्ज घेता येईल.
इंटरेस्ट फ्री क्रेडिट: क्रेडिट कार्डसारखा इंटरेस्ट फ्री कालावधी मिळेल.
लहान ते मध्यम कर्ज: सुरुवातीला ५ हजार रुपयांपर्यंतचे व्यवहार करता येतील.
कोणतेही अतिरिक्त शुल्क नाही: वेळेत पैसे परत केल्यास शुल्क किंवा व्याज लागू होणार नाही.
मोबाईल अँपसोबत सहज: क्रेडिट कार्ड न घेता यूपीआय अँप कर्जासाठी पुरेसे.
रिझर्व्ह बँक ऑफ इंडिया (RBI) आणि नेशनल पेमेंट्स कॉर्पोरेशन ऑफ इंडिया (NPCI) लवकरच ही सुविधा संपूर्ण देशभर सुरू करण्याच्या तयारीत आहेत. काही निवडक बँकांमध्ये ही सुविधा आधीच पायलट प्रकल्प म्हणून सुरु झाली आहे.
NPCI च्या अधिकाऱ्यांनी सांगितले की, “UPI क्रेडिट लाइन सुविधा डिजिटल व्यवहारांना आणखी सुलभ, त्वरित आणि सुरक्षित करेल. ग्राहकांना लहान खरेदीसाठी त्वरित कर्ज मिळेल, आणि त्यासाठी अतिरिक्त व्याज किंवा शुल्काचा विचार करावा लागणार नाही.”
क्रेडिट कार्डची गरज नाही: फिजिकल कार्ड न घेता, डिजिटल अँपद्वारे व्यवहार करता येतील.
त्वरित कर्ज सुविधा: लहान-मोठ्या व्यवहारासाठी त्वरित कर्ज उपलब्ध.
व्याजमुक्त: नियत तारखेपूर्वी परतफेड केल्यास कर्ज पूर्णतः व्याजमुक्त.
डिजिटल व्यवहार प्रोत्साहन: मोबाइल अँपवरून व्यवहार अधिक जलद, सुरक्षित आणि ट्रॅक करण्यायोग्य.