सिंधुदुर्ग जिल्हा मध्यवर्ती सहकारी बँक लि.,सिंधुदुर्ग यांच्या आस्थापनेवरील व अधिपत्याखाली असलेल्या लिपिक या श्रेणीतील ७३ रिक्त पदे सरळसेवा पध्दतीने भरावयाची आहेत. त्यासाठीची भरती प्रक्रिया आय.बी.पी.एस. (इन्स्टिट्यूट बँकिंग पर्सोनेल सिलेक्शन) या संस्थेमार्फत राबविली जाणार आहे. या करीता पात्र उमेदवारांकडून विहित नमुन्यात केवळ ऑनलाईन पध्दतीने बँकेच्या www.sindhudurgdcc.com या संकेतस्थळावर अर्ज मागविणेत येत आहेत. याबाबतचा तपशील पुढीलप्रमाणे -
१. संकेत स्थळावर अर्ज भरणे: दिनांक-०५/०९/२०२५ ते दि.३०/०९/२०२५ पर्यंत
२. ऑनलाईन परीक्षा शुल्क स्वीकारण्याचा अंतिम दिनांक: दि.३०/०९/२०२५ पर्यंत (रात्री २३.५९ वाजेपर्यंत)
३. ऑनलाईन परीक्षा दिनांक: बँकेच्या संकेत स्थळावर अलाहिदा प्रसिध्द करणेत येईल.
४. ऑनलाईन परीक्षा प्रवेश पत्र डाऊनलोड करणेचा अंतिम दिनांक: बँकेच्या संकेत स्थळावर अलाहिदा प्रसिध्द करणेत येईल.
५. कागदपत्रे पडताळणी व मुलाखत दिनांक: ऑनलाईन परीक्षा निकालानंतर बँकेच्या संकेत स्थळावर अलाहिदा प्रसिध्द करणेत येईल.
------------------------------------------------------------------------------------------------------
१. उपरोक्त पदांसाठी शैक्षणिक पात्रता, अनुभव, वयोमर्यादा, परिविक्षाधिन कालावधी, वेतन, निवड पध्दती, अटी व शर्ती, ऑनलाईन अर्ज भरण्याची पध्दत व परीक्षा शुल्क इत्यादी बाबतची विस्तृत माहिती बँकेच्या www.sindhudurgdcc.com या संकेतस्थळावर दि.०५/०९/२०२५ ते दि. ३०/०९/२०२५ पर्यंत पहावयास उपलब्ध होणार आहे.
२. उमेदवार सिंधुदुर्ग जिल्ह्यातील रहिवाशी असणे आवश्यक आहे. त्यासाठी ऑनलाईन अर्ज भरताना वय, अधिवास दाखला (Domicile Certificate ) अपलोड करणे बंधनकारक आहे.
३. ऑनलाईन परीक्षा शुल्क संकेतस्थळावर भरणा केल्याशिवाय व पूर्ण फॉर्म भरल्याशिवाय रजिस्ट्रेशन प्रक्रिया पूर्ण होणार नाही.
४. उमेदवारांनी ऑनलाईन परीक्षा शुल्काची रक्कम ऑनलाईन पेमेंट मोडव्दारे भरावयाची आहे. अर्जासोबत भरलेले परीक्षा शुल्क ना परतावा (Non Refundable) राहील.
५. उमेदवारांनी ऑनलाईन अर्ज भरताना त्यांची शैक्षणिक पात्रता, स्वतःचा ई-मेल आय.डी., मोबाईल क्रमांक व आधारकार्ड क्रमांक अचूक भरणे आवश्यक आहे. एकदा भरलेल्या अर्जामध्ये दुरूस्ती करता येणार नाही.
६. उमेदवारास ऑनलाईन लिंकवर अर्ज भरण्या अनुषंगाने काही शंका असल्यास त्यांनी आयबीपीएस संस्थेच्या CGRS या पोर्टलवर https://cgrs.ibps.in/ नोंदवायची आहे.
७. प्रस्तुत पदांकरीता केवळ उक्त संकेतस्थळावरून ऑनलाईन पध्दतीने अर्ज भरून विहित परीक्षा शुल्क भरलेले अर्ज ग्राह्य धरण्यात येतील. इतर कोणत्याही प्रकारे केलेले अर्ज ग्राह्य धरण्यात येणार नाहीत.
८. सदर संकेतस्थळाला भरती प्रक्रियेच्या दरम्यान वेळोवेळी भेट देऊन भरती प्रक्रियेच्या माहितीबाबत अद्ययावत राहण्याची जबाबदारी उमेदवाराची राहिल.
ठिकाण - सिंधुदुर्गनगरी
दिनांक - ०४/०९/२०२५
मुख्य कार्यकारी अधिकारी अध्यक्ष
सिंधुदुर्ग जिल्हा मध्यवर्ती सहकारी बँक लि., सिंधुदुर्ग
नवनगर विकास प्राधिकरण, प्लॉट क्र. ३२, प्रधान कार्यालय, सिंधुदुर्गनगरी