ओझर (नाशिक): सहकारी बँकिंग क्षेत्रात अग्रेसर असलेल्या दि ओझर मर्चंट्स को-ऑप बँकेच्या उप महाव्यवस्थापक (वसुली विभाग) पदी विकास बाबुराव मोरे यांची निवड करण्यात आली आहे. बँकेच्या संचालक मंडळाच्या नुकत्याच झालेल्या बैठकीत हा महत्त्वपूर्ण निर्णय घेण्यात आला. त्यांच्या नियुक्तीमुळे बँकेच्या थकीत कर्ज वसुलीला आणि एनपीए व्यवस्थापनाला मोठी चालना मिळणार आहे.
विकास मोरे यांना वित्त व बँकिंग क्षेत्रातील कामाचा प्रदीर्घ अनुभव आहे. विशेष म्हणजे, मागील १५ वर्षांपासून ते ओझर मर्चंट्स बँकेत 'विशेष वसुली अधिकारी' म्हणून कार्यरत आहेत. विविध शासकीय कार्यालयातील कामकाजाचा अनुभव आणि विशेषतः कर्ज वसुली प्रक्रियेतील कायदेशीर बाबींवर त्यांची मोठी पकड आहे. त्यांच्या याच अनुभवाचा फायदा बँकेची आर्थिक स्थिती अधिक भक्कम करण्यासाठी होईल, असा विश्वास संचालक मंडळाने व्यक्त केला आहे.
बँकिंग वर्तुळात विकास मोरे हे त्यांच्या पारदर्शक कारभारासाठी आणि कडक शिस्तीसाठी ओळखले जातात. एनपीए (NPA) कमी करणे आणि थकबाकीदारांकडून प्रभावीपणे वसुली करणे हे त्यांच्यापुढील मुख्य उद्दिष्ट असणार आहे. बँकेच्या हितासाठी ते वसुली विभागाला एक नवी दिशा देतील, अशी अपेक्षा व्यक्त केली जात आहे.
या निवडीबद्दल बँकेचे अध्यक्ष श्री. राजेंद्र शिंदे, व्हाईस चेअरमन प्रविण लढ्ढा, ज्येष्ठ संचालक भालचंद्र कासार, विजय शिंदे, मुख्य कार्यकारी अधिकारी शरद वालझाडे आणि सर्व कर्मचारी वृंद यांनी मोरे यांचे पुष्पगुच्छ देऊन अभिनंदन केले.
याप्रसंगी उपस्थित मान्यवर:
या निवडीचे स्वागत करताना जनसंपर्क संचालिका मंगला कदम, संचालक सर्वश्री रवींद्र भट्टड, भारत पल्हाळ, लक्ष्मण सोनवणे, नंदलाल चोपडा, योगेश चांडक, प्रवीण वाघ, रऊफ पटेल, शरद सिन्नरकर, निळकंठ कदम, श्रीकांत कदम, गणेश बोरस्ते उपस्थित होते.
तसेच संचालिका जिजाबाई रास्कर, डॉ. मेघा पाटील, ज्योती भट्टड, कार्यलक्षी संचालक अरुण पवार, तज्ज्ञ संचालक ॲड. भूषण जाजू, रोहन कुमार गंगवाल (सी.ए.), बोर्ड ऑफ मॅनेजमेंटचे अध्यक्ष संदीप अक्कर, सदस्य भारत आहेर, नवनाथ मंडलिक, तक्रार निवारण समितीचे सदस्य शिरीष कावळे, मुबीन पठाण, विष्णू पगार, प्रशासकीय कार्यालय प्रमुख दत्तात्रय बापट आणि जनरल मॅनेजर (वसुली) मनसुखलाल छाजेड यांनीही विकास मोरे यांना पुढील वाटचालीस शुभेच्छा दिल्या आहेत.
ओझर मर्चंट्स बँकेने वसुली विभागाची जबाबदारी एका अनुभवी हातामध्ये सोपवून आपल्या आर्थिक स्थैर्याकडे एक सकारात्मक पाऊल टाकले आहे.