सहकार क्षेत्राच्या सक्षमीकरणासाठी नांदेडमध्ये 'एक दिवसीय प्रशिक्षण कार्यक्रम' उत्साहात संपन्न!

नांदेड : रिझर्व्ह बँक (RBI) तपासणी, अनुपालन (Compliance) आणि बदलत्या नियमांच्या पार्श्वभूमीवर सहकारी बँकांनी अधिक सतर्क आणि अद्ययावत राहण्याची गरज आहे. याच अनुषंगाने, दि महाराष्ट्र स्टेट को-ऑप. बँक्स् फेडरेशन लि., मुंबई आणि नांदेड जिल्हा को-ऑप. बँक्स् असोसिएशन यांच्या संयुक्त विद्यमाने आयोजित करण्यात आलेला 'RBI Inspection & Compliance' आणि 'मास्टर डिरेक्शन' या विषयांवरील एकदिवसीय प्रशिक्षण कार्यक्रम नांदेड येथील हॉटेल विसावा पॅलेस येथे १५ जुलै २०२६ रोजी अत्यंत उत्साहात संपन्न झाला.

मराठवाड्यातील सहकारी बँकिंग क्षेत्रातील प्रगतीचा आणि आव्हानांचा आढावा घेणारा हा कार्यक्रम अत्यंत मार्गदर्शक ठरला.

फेडरेशन हे रिझर्व्ह बँक आणि सहकारी बँकांमधील समन्वयाचा मुख्य दुवा: मा. अजय ब्रम्हेचा

कार्यक्रमाचे प्रास्ताविक नांदेड जिल्हा को-ऑप. बँक्स असोसिएशनचे अध्यक्ष तथा गोदावरी नागरी सहकारी बँकेचे अध्यक्ष श्री. आर.डी. देशमुख यांनी केले. त्यांनी या प्रशिक्षण शिबिरामागची भूमिका स्पष्ट करत सहकारी बँकांच्या सक्षमीकरणासाठी अशा उपक्रमांची गरज अधोरेखित केली.

महाराष्ट्र स्टेट को-ऑप. बँक्स फेडरेशनचे अध्यक्ष मा. श्री. अजय ब्रम्हेचा यांनी आपल्या भाषणात फेडरेशनच्या कामाचा सविस्तर आढावा घेतला. ते म्हणाले,

कार्यक्रमात मराठवाडा को-ऑप. बँक्स असोसिएशन लि. (छत्रपती संभाजीनगर) चे अध्यक्ष श्री. सत्यनारायणजी लोहिया यांनी सहकार क्षेत्रातील विविध महत्त्वाच्या विषयांवर उपस्थितांना मार्गदर्शन केले.

तसेच, हिंगोलीच्या ओमप्रकाश देवडा पीपल्स को-ऑप बँकेचे संचालक आणि नॅफकब (NAFCUB) व महाराष्ट्र फेडरेशनचे संचालक श्री. ओमप्रकाश देवडा यांनी 'अंब्रेला ऑर्गनायझेशन' (Umbrella Organisation) संकल्पनेची सविस्तर माहिती दिली. सहकारी बँकांच्या भविष्यातील सुरक्षिततेसाठी आणि सहकार्यासाठी ही यंत्रणा कशी मैलाचा दगड ठरणार आहे, यावर त्यांनी प्रकाश टाकला.

या प्रशिक्षण शिबिराचे मुख्य आकर्षण तांत्रिक सत्र हे होते. यामध्ये:

• रिझर्व्ह बँकेचे एजीएम (RBI Nagpur) मा. श्री. बनसोड साहेब यांनी 'RBI Inspection & Compliance' या विषयावर अतिशय सविस्तर तांत्रिक मार्गदर्शन केले. बँकांनी रिझर्व्ह बँकेच्या तपासणीला सामोरे जाताना कोणत्या चुका टाळाव्यात आणि कायदेशीर पूर्तता (Compliance) कशी चोख ठेवावी, हे सांगून त्यांनी बँक प्रतिनिधींच्या विविध शंकांचे निरसन केले.

• बँकिंग तज्ज्ञ मा. श्री. दिलीप देशमुख साहेब यांनी २८ नोव्हेंबर २०२५ रोजी आरबीआयने प्रसिद्ध केलेल्या अत्यंत महत्त्वाच्या 'मास्टर डिरेक्शन' (Master Direction) मधील विविध तरतुदी आणि तांत्रिक बाबींवर सविस्तर विश्लेषण सादर केले.

या एकदिवसीय प्रशिक्षण शिबिराला मराठवाड्यातील सुमारे ३० ते ३५ सहकारी बँकांचा अत्यंत उत्स्फूर्त प्रतिसाद लाभला. या कार्यक्रमात एकूण १७४ प्रतिनिधींनी सहभाग नोंदवला. यामध्ये विविध बँकांचे अध्यक्ष, उपाध्यक्ष, संचालक, मुख्य कार्यकारी अधिकारी (CEO) आणि वरिष्ठ बँक अधिकारी उपस्थित होते.

या यशस्वी कार्यक्रमाचे सूत्रसंचालन फेडरेशनचे मुख्य कार्यकारी अधिकारी (CEO) श्री. प्रसादजी पाटील यांनी अत्यंत नेटकेपणाने केले. तर शंकर नागरी सहकारी बँकेचे CEO तथा नांदेड जिल्हा को-ऑप. असोसिएशनचे सचिव श्री. विक्रम राजे यांनी उपस्थित सर्व पाहुण्यांचे व बँक प्रतिनिधींचे आभार मानले.

या संपूर्ण कार्यक्रमाचे नेटके व शिस्तबद्ध नियोजन शंकर नागरी सहकारी बँक आणि गोदावरी नागरी सहकारी बँकेच्या कर्मचाऱ्यांनी चोखपणे पार पाडले.