लातूर अर्बन बँकेत विविध पदांसाठी भरती; अनुभवी उमेदवारांना संधी

महाराष्ट्रातील विविध शाखांमध्ये मॅनेजर, ऑफिसर आणि क्लार्क पदांसाठी नियुक्ती; जाहिरात प्रसिद्ध झाल्यापासून आठ दिवसांत अर्ज करण्याचे आवाहन.
अनुभवी उमेदवारांना संधी
अनुभवी उमेदवारांना संधी
Published on: 

दि. लातूर अर्बन को-ऑप. बँक लि., लातूर यांच्या वतीने बँकेच्या विविध शाखांमध्ये मॅनेजर, ऑफिसर आणि क्लार्क या पदांसाठी पात्र व अनुभवी उमेदवारांकडून अर्ज मागविण्यात आले आहेत. सहकारी बँकिंग क्षेत्रात करिअर करू इच्छिणाऱ्या उमेदवारांसाठी ही संधी उपलब्ध झाली आहे.

बँकेच्या छत्रपती संभाजीनगर, सोलापूर, कराड आणि अकोला शाखांमध्ये मॅनेजर पदासाठी भरती करण्यात येणार आहे. तर ऑफिसर पदासाठी सोलापूर, पुणे, अहिल्यानगर, सांगली, कोल्हापूर, नाशिक, नागपूर, अमरावती, जळगाव आणि अकोला या शाखांमध्ये नियुक्ती केली जाणार आहे.

तसेच क्लार्क पदासाठी पुणे, कोल्हापूर, नागपूर, अमरावती, सातारा, कराड, जळगाव आणि जालना शाखांमध्ये भरती प्रक्रिया राबविण्यात येणार आहे.

या पदांसाठी अर्ज करणाऱ्या उमेदवारांकडे संबंधित पदासाठी आवश्यक शैक्षणिक पात्रता असणे अपेक्षित आहे. सहकारी बँकेतील कामकाजाचा अनुभव, प्रभावी संगणक ज्ञान आणि संबंधित पदाच्या जबाबदाऱ्या पार पाडण्याची क्षमता असलेल्या उमेदवारांना प्राधान्य दिले जाणार आहे.

इच्छुक व पात्र उमेदवारांनी आपला अद्ययावत बायोडाटा (Resume) career@latururban.bank.in या ई-मेलवर पाठवावा. अर्ज करण्यासाठी जाहिरात प्रसिद्ध झाल्यापासून आठ दिवसांची मुदत देण्यात आली आहे. अधिक माहितीसाठी उमेदवारांनी 9552521945 या क्रमांकावर संपर्क साधावा

सहकारी बँकिंग क्षेत्रातील अनुभवी आणि पात्र उमेदवारांना या भरतीच्या माध्यमातून करिअरची संधी उपलब्ध झाली आहे.