कोल्हापूर शिक्षक बँकेच्या अध्यक्षपदी बाबू धोंडीबा परीट यांची बिनविरोध निवड!

कोल्हापूर : जिल्ह्यातील सहकार क्षेत्रात अग्रगण्य असलेल्या 'दि प्राथमिक शिक्षक सहकारी बँक लि; कोल्हापूर'च्या अध्यक्षपदी चंदगड तालुक्यातील श्री. बाबू धोंडीबा परीट यांची बिनविरोध निवड करण्यात आली आहे. सोमवार, दिनांक ६ जुलै २०२६ रोजी बँकेच्या मुख्य सभागृहात झालेल्या संचालक मंडळाच्या विशेष सभेत या निवडीची अधिकृत घोषणा करण्यात आली.

बँकेच्या संचालक मंडळाची ही महत्त्वाची सभा कोल्हापूर शहर सहकारी संस्थेच्या उपनिबंधक व अध्यासी अधिकारी डॉ. प्रिया दळणर यांच्या अध्यक्षतेखाली संपन्न झाली.

या सभेमध्ये अध्यक्षपदासाठी श्री. बाबू धोंडीबा परीट यांच्या नावाची सूचना संचालक श्री. अमर हिंदूराव वरुटे यांनी मांडली, तर त्यास श्री. गौतम तुकाराम वर्धन यांनी जाहीर अनुमोदन दिले. अध्यक्षपदासाठी निर्धारित वेळेत अन्य कोणाचाही अर्ज दाखल न झाल्याने, अध्यासी अधिकारी डॉ. प्रिया दळणर यांनी श्री. बाबू धोंडीबा परीट यांची अध्यक्षपदी बिनविरोध निवड झाल्याचे घोषित केले. ही घोषणा होताच उपस्थित संचालक आणि समर्थकांनी जल्लोष केला.

निवडीनंतर झालेल्या सत्कार सोहळ्याला उत्तर देताना नूतन अध्यक्ष श्री. बाबू परीट भावुक झाले होते. त्यांनी बँकेचे सर्व संचालक, सुकाणू समितीचे पदाधिकारी आणि शाहू आघाडीच्या कार्यकर्त्यांचे आभार मानले.

नूतन अध्यक्ष आपल्या भाषणात म्हणाले:

बँकेच्या या ऐतिहासिक निवडीप्रसंगी सहकार क्षेत्र आणि विविध शिक्षक संघटनांमधील प्रमुख पदाधिकारी मोठ्या संख्येने उपस्थित होते. यामध्ये संचालक सर्वश्री बाळकृष्ण हळदकर, बाळासाहेब निंबाळकर, राजेंद्रकुमार पाटील, सुनिल एडके, अर्जुन पाटील, शिवाजी रोडे-पाटील, सुरेश कोळी, एस. व्ही. पाटील, सौ. वर्षा केनवडे, सौ. पद्मजा मेढे, नंदकुमार वाईंगडे, अमर वरुटे, शिवाजी बोलके, गजानन कांबळे आणि गौतम वर्धन तसेच सुकाणू समितीचे प्रमुख मार्गदर्शक सर्वश्री रविकुमार पाटील, जोतीराम पाटील, सुनिल पाटील, विलास चौगुले, प्रमोद तौंदकर, विविध शिक्षक संघटनांचे अध्यक्ष, उपाध्यक्ष, सरचिटणीस, जिल्ह्यातील विविध शिक्षक पतसंस्थांचे चेअरमन, व्हाईस चेअरमन व संचालक उपस्थित होते. बँकेचे मुख्य कार्यकारी अधिकारी (CEO) श्री. संजयकुमार मगदूम यांनीही नूतन अध्यक्षांचे स्वागत केले.

अतिशय खेळीमेळीच्या आणि उत्साही वातावरणात ही प्रक्रिया पार पडली. अध्यासी अधिकारी डॉ. प्रिया दळणर यांनी संपूर्ण निवडणूक प्रक्रिया शांततेत पार पाडण्यास सहकार्य केल्याबद्दल सर्व संचालक मंडळाचे आभार मानले. त्यानंतर उपस्थित संचालक व सुकाणू समितीच्या सदस्यांनी नूतन अध्यक्षांच्या पुढील वाटचालीस शुभेच्छा देणारी मनोगते व्यक्त केली.