येवला : येवला तालुक्याची अर्थवाहिनी म्हणून ओळखल्या जाणाऱ्या जनता सहकारी बँक लि. येवला या बँकेने आर्थिक वर्ष २०२५-२६ मध्ये उल्लेखनीय कामगिरी केली आहे. नुकत्याच संपलेल्या आर्थिक वर्षात बँकेला १ कोटी ७२ लाख रुपयांचा ढोबळ नफा झाला असल्याची माहिती बँकेचे संस्थापक चेअरमन श्री.अंबादास बनकर यांनी दिली.
बँकेने रिझर्व्ह बँकेच्या (RBI) निकषांनुसार आवश्यक त्या सर्व तरतुदी आणि प्राप्तिकर (Income Tax) वजा करून ६६ लाख ८१ हजार रुपयांचा निव्वळ नफा कमावला आहे. बँकेच्या आर्थिक शिस्तीचे सर्वात मोठे यश म्हणजे ३१ मार्च २०२६ अखेर बँकेने आपला नेट एनपीए (Net NPA) शून्य टक्के राखण्यात यश मिळवले आहे.
बँकेची ३१ मार्च २०२६ अखेरची महत्त्वाची आकडेवारी:
एकूण व्यवसाय: १३४ कोटी ८६ लाख रुपये
एकूण ठेवी: ८२ कोटी ७८ लाख रुपये
कर्ज वाटप: ५२ कोटी ८ लाख रुपये (उद्दिष्ट साध्य)
गुंतवणूक: ३९ कोटी ३२ लाख रुपये
निधी: ११ कोटी ४३ लाख रुपये
भागभांडवल: २ कोटी ६४ लाख रुपये
सीडी रेशो: ६२.९१ टक्के
एकूण सभासद: ४,३३०
बँकेचे व्हाईस चेअरमन श्री. ओंकारेश्वर कलंत्री यांनी सांगितले की, मुख्य शाखा येवलासह पिंपळगाव बसवंत आणि वैजापूर या सर्व शाखा सध्या नफ्यात आहेत. ग्राहकांना अधिक दर्जेदार सेवा देण्यासाठी बँक लवकरच नवनवीन डिजिटल सुविधा उपलब्ध करून देणार आहे. सध्या बँकेमार्फत कोअर बँकिंग, सेफ डिपॉझिट लॉकर, RTGS/NEFT, CTS चेक बुक, ऑनलाईन कर भरणा आणि देशभर डी.डी. सुविधा पुरवली जात आहे.
व्यापारी आणि व्यावसायिक सभासदांसाठी बँक अत्यंत कमी व्याजदरात कर्ज उपलब्ध करून देत असून, जास्तीत जास्त खातेदारांनी या संधीचा लाभ घेण्याचे आवाहन बँकेतर्फे करण्यात आले आहे.
या यशाबद्दल बोलताना संस्थापक चेअरमन अंबादास बनकर यांनी सांगितले की, सभासद आणि कर्जदारांनी थकबाकी वसुलीसाठी केलेल्या सहकार्यामुळेच बँक शून्य टक्के नेट एनपीए गाठू शकली आहे.
यावेळी श्री. अंबादास बालाजी बनकर, व्हा. चेअरमन श्री. ओंकारेश्वर रामेश्वर कलंत्री, संचालक मंडळात . नंदकुमार शिवनारायण अट्टल, श्री. अनिलकुमार भगवानदास पटेल, श्री. माधवराव बालाजी बनकर, अॅड. श्री. सोपानराव कारभारी पवार, श्री. विनोद अंबादास बनकर, श्री. अशोक पांडुरंग कुळधर, श्री कृष्णा पांडुरंग जानराव, श्री अशोक पांडुरंग शिंदे, संचालिका सौ. जयश्री रामदास काळे, सौ. कविता योगेश लहरे, स्वीकृत संचालक श्री. साहेबराव रामजी देशमाने, श्री. श्रीकांतसा बळीरामसा बाकळे, तज्ञ संचालक श्री. किरण रामदास बनकर, श्री. गणपत बाजीराव पाटील, सिईओ श्री. रणजित गुंजाळ, संजय साताळकर, अनिल वडनेरकर, रवींद्र जाधव, राजेंद्र वाबळे, भानुदास जाधव, संजय बोराडे आणि कर्मचारी वर्ग मोठ्या संख्येने उपस्थित होता.