बँकेची आर्थिक प्रगती, शिस्तबद्ध बँकिंग व्यवहार, ग्राहकाभिमुख सेवा आणि उंचावणारी कार्यक्षमता या निकषांच्या जोरावर बँकेने सहकार क्षेत्रात आपली वेगळी ओळख निर्माण केली आहे. सातत्याने मिळणारा हा सन्मान म्हणजे बँकेच्या सक्षम व्यवस्थापनाची आणि सभासद - ग्राहकांच्या दृढ विश्वासाची पावती मानली जात आहे.
या दैदिप्यमान यशावर प्रतिक्रिया देताना बँकेच्या व्यवस्थापनाने सर्व घटकांचे आभार मानले.
“हा पुरस्कार केवळ बँकेचा नसून बँकेवर अविरत विश्वास ठेवणाऱ्या प्रत्येक घटकाचा आहे. आमचे सभासद, ठेवीदार, खातेदार, कर्जदार, ग्राहक, हितचिंतक, संचालक मंडळ आणि कर्मचारी वर्ग यांच्या भक्कम पाठबळामुळेच ही हॅट्रिक शक्य झाली आहे. बँकेच्या या यशात सर्वांचा सिंहाचा वाटा असून हा सन्मान आम्ही बँकेशी जोडलेल्या प्रत्येकाला मनापासून समर्पित करतो,” अशी भावना बँकेच्या वतीने व्यक्त करण्यात आली.
तसेच, “आपला विश्वास हीच आमची खरी ताकद असून, यापुढेही पारदर्शकता, विश्वासार्हता आणि ग्राहकहित जपत अधिक दर्जेदार व आधुनिक बँकिंग सेवा देण्यासाठी बँक सदैव कटिबद्ध राहील,” अशी ग्वाहीही यावेळी देण्यात आली.
बँकेने मिळवलेल्या या अभूतपूर्व यशाबद्दल चेअरमन श्री. सदाशिव सखाराम जोशी, व्हाईस चेअरमन श्री. रामचंद्र बाळू मोहिते, मॅनेजर सौ. नीता शरद खलाटे, सर्व संचालक मंडळ आणि कर्मचारी वर्गाने सर्व सभासद, ठेवीदार, खातेदार, कर्जदार व ग्राहकांचे मनःपूर्वक आभार मानले आहेत.
सलग तिसऱ्यांदा मिळालेल्या या पुरस्कारामुळे कुरुंदवाड शहर व परिसरातील बँकिंग वर्तुळातून तसेच सभासदांकडून दादा जोशी गणेश सहकारी बँकेवर कौतुकाचा वर्षाव होत आहे.