RBI Grade B Notification 2026मुंबई: बँकिंग क्षेत्रातील सर्वोच्च संस्था असलेल्या भारतीय रिझर्व्ह बँकेत (RBI) करिअर करण्याची सुवर्णसंधी उपलब्ध झाली आहे. रिझर्व्ह बँक ऑफ इंडिया सर्व्हिसेस बोर्डाने 'ग्रेड बी' (Grade ‘B’ - DR) ऑफिसर पदांच्या भरतीसाठी अधिकृत जाहिरात (Advt. No. RBISB/BA/01/2026-27) प्रसिद्ध केली आहे.
या भरती प्रक्रियेद्वारे एकूण ६० रिक्त जागा भरल्या जाणार असून, यासाठी ऑनलाईन अर्ज प्रक्रिया २९ एप्रिलपासून सुरू होत आहे.
या भरतीमध्ये प्रामुख्याने तीन विभागांतील पदांचा समावेश आहे:
ऑफिसर्स ग्रेड ‘बी’ (DR) - जनरल: ४० जागा
ऑफिसर्स ग्रेड ‘बी’ (DR) - DEPR (आर्थिक आणि धोरण संशोधन विभाग): १० जागा
ऑफिसर्स ग्रेड ‘बी’ (DR) - DSIM (सांख्यिकी आणि माहिती व्यवस्थापन विभाग): १० जागा
उमेदवारांनी खालील वेळापत्रकाची नोंद घेणे आवश्यक आहे:
ऑनलाईन नोंदणी आणि शुल्क भरण्याचा कालावधी: २९ एप्रिल २०२६ ते २० मे २०२६ (संध्याकाळी ६:०० वाजेपर्यंत).
फेज-I परीक्षा (जनरल): १३ जून २०२६.
फेज-I परीक्षा (DEPR/DSIM): १४ जून २०२६.
फेज-II परीक्षा (जनरल): २५ जुलै २०२६.
फेज-II परीक्षा (DEPR/DSIM): २६ जुलै २०२६.
या पदांसाठी इच्छुक उमेदवारांना फक्त ऑनलाईन पद्धतीने अर्ज करावा लागणार आहे.
अर्ज करण्यासाठी रिझर्व्ह बँकेच्या अधिकृत संकेतस्थळाला (www.rbi.org.in) भेट द्यावी.
पात्रता निकष, वयोमर्यादा, आरक्षणाचे नियम आणि निवडीची प्रक्रिया याबद्दलची सविस्तर माहिती उद्या, २९ एप्रिल २०२६ रोजी बँकेच्या वेबसाईटवर प्रसिद्ध करण्यात येईल.
तसेच, २ मे २०२६ च्या 'एम्प्लॉयमेंट न्यूज' (Employment News) मध्येही सविस्तर जाहिरात प्रसिद्ध होणार आहे.
परीक्षेच्या तारखांमध्ये बदल करण्याचा अधिकार रिझर्व्ह बँकेने आपल्याकडे राखून ठेवला आहे. त्यामुळे उमेदवारांनी वेळोवेळी अधिकृत वेबसाईट तपासावी, असे आवाहन करण्यात आले आहे.
बँकिंग क्षेत्रातील ही अत्यंत प्रतिष्ठित नोकरी मानली जाते, त्यामुळे या परीक्षेसाठी देशभरातून लाखो उमेदवार बसण्याची शक्यता आहे. तुम्ही पात्र असल्यास उद्यापासून आपला अर्ज भरण्याची तयारी सुरू करा.