१. जुन्याच युजर आयडीचा वापर: सन २०२४-२५ मध्ये नोंदणी केलेल्या पतसंस्थांनी सन २०२५-२६ साठी नवीन नोंदणी करण्याची गरज नाही. संस्थांनी त्यांच्या पूर्वीच्या user id व password चा वापर करूनच MIS प्रणालीमध्ये माहिती भरावयाची आहे.
२. प्रणालीत भरावयाची सुधारीत व आवश्यक माहिती:
संस्था प्रोफाइल: संस्थेच्या प्रोफाइलमध्ये PAN आणि GST क्रमांक अनिवार्यपणे अपडेट करावा.
सर्वसाधारण माहिती:
संस्थेचे दैनंदिन कामकाज संगणकीकृत प्रणालीद्वारे होते किंवा नाही (होय / नाही).
संस्थेची सीबीएस (CBS) कार्यप्रणाली कार्यान्वित आहे किंवा नाही (होय / नाही).
प्रत्येक ठेवीदार सभाсаदासाठी युनिक कस्टमर आयडी कोड (UCIC) ची पूर्तता केली आहे किंवा नाही (होय / नाही).
भांडवल माहिती: ठेवींच्या प्रकारामध्ये मुदत, बचत आणि चालू खात्यातील ठेवींची सविस्तर माहिती भरावी. तसेच, एकूण ठेवीदारांची संख्या व ठेव रक्कम यांचा ताळमेळ जुळणे बंधनकारक आहे.
अंशदान माहिती: प्रणालीमध्ये संस्थेचे मागील ३ वर्षांचे लेखापरिक्षक दाखले (Audit Certificate) अपलोड करणे आवश्यक आहे.
पतसंस्थांनी ऑनलाईन प्रणालीत भरलेली माहिती त्यांच्या मुख्यालयाच्या ठिकाणच्या तालुका किंवा वॉर्ड अधिकाऱ्यांनी (उपनिबंधक / सहाय्यक निबंधक) काटेकोरपणे तपासणे (Validation) आणि तपासून योग्य तो 'शेरा' नमूद करणे बंधनकारक करण्यात आले आहे. पतसंस्थेचे कार्यक्षेत्र राज्यभर किंवा कुठेही असले, तरी मुख्यालयाच्या ठिकाणच्या अधिकाऱ्यांवरच १००% संस्थांची माहिती बिनचूक भरवून घेण्याची मुख्य जबाबदारी राहणार आहे.
ऑनलाइन प्रणालीत माहिती भरताना काही तांत्रिक अडचण आल्यास पतसंस्थांनी तांत्रिक साहाय्यक क्रमांक ९०२१९००५७७ (श्री. सुभाष खवणे / श्री. रोहित) यांच्याशी संपर्क साधावा, असे आवाहन सहकार विभागाकडून करण्यात आले आहे.