मुंबई: बृहन्मुंबई जिल्हा, ठाणे, नवी मुंबई, रायगड, पुणे, सातारा आणि सांगली जिल्ह्यांमध्ये आपल्या उत्कृष्ट सेवेमुळे नामांकित असलेल्या 'दर्यासागर सहकारी पतपेढी मर्यादित, मुंबई' या संस्थेमध्ये विविध शाखांसाठी ‘लिपिक’ (Clerk) पदांची भरती जाहीर करण्यात आली आहे. इच्छुक आणि पात्र उमेदवारांकडून ५ जून २०२६ पर्यंत अर्ज मागविण्यात येत आहेत.
संस्थेचे संस्थापक श्री. दिनकरराव (पोपटराव) पाटील यांच्या मार्गदर्शनाखाली कार्यरत असलेल्या या पतपेढीचा विस्तार वेगाने होत असून, संचालक मंडळाच्या सूचनेवरून मुख्य कार्यकारी अधिकाऱ्यांनी ही अधिकृत जाहिरात प्रसिद्ध केली आहे.
पदाचे नाव: लिपिक (Clerk)
कामाचे ठिकाण (शाखा): मस्जिद बंदर, कुलाबा, ठाणे आणि इस्लामपूर.
शिक्षण: उमेदवार कोणत्याही शाखेचा पदवीधर (Graduate) असावा किंवा किमान १२ वी परीक्षा उत्तीर्ण असावा. (वाणिज्य म्हणजेच कॉमर्स शाखेच्या उमेदवारांना प्रथम प्राधान्य दिले जाईल).
अनुभव: सहकार क्षेत्रातील कामाचा अनुभव असलेल्यांना प्राधान्य. फ्रेशर (अनुभव नसलेले) उमेदवारही अर्ज करू शकतात.
इतर कौशल्ये: संगणकाचे (Computer) ज्ञान असणे आवश्यक आहे. तसेच मराठी व इंग्रजी टायपिंग येणे गरजेचे आहे.
इच्छुक उमेदवारांनी आपला सविस्तर अर्ज, शैक्षणिक पात्रतेची कागदपत्रे, अनुभव प्रमाणपत्र (असल्यास) आणि पासपोर्ट साईज फोटोसह ५ जून २०२६ पूर्वी संस्थेच्या मुख्य कार्यालया पत्त्यावर सादर करायचा आहे. (टीप: भरती प्रक्रियेसाठी संस्थेच्या अटी व शर्ती लागू राहतील.)
मुख्य कार्यालयाचा पत्ता: दर्यासागर सहकारी पतपेढी मर्यादित, मुंबई. ३७२, ज्योती चेंबर्स प्रिमायसेस को-ऑप. सोसायटी लि., तिसरा मजला, ऑफिस नं. ३०२, नरसी नाथा स्ट्रीट, मस्जिद बंदर (पश्चिम), मुंबई - ४००००९.
संपर्क क्रमांक: ०२२-२३४२८७६२ / ४८२६१९३४
सहकार क्षेत्रात करिअर करण्याची उत्तम संधी असल्याने पात्र उमेदवारांनी वेळेत आपले अर्ज सादर करावेत, असे आवाहन पतपेढी प्रशासनातर्फे करण्यात आले आहे.