भारतीय स्टेट बँक (State Bank of India – SBI), देशातील सर्वात मोठी सार्वजनिक क्षेत्रातील बँक, हिने आपल्या विशेषज्ञ संवर्गातील (Specialist Cadre Officers) कंत्राटी पदांसाठी मोठ्या प्रमाणावर भरती प्रक्रिया जाहीर केली आहे. जाहिरात क्र.: CRPD/SCO/2025-26/17 अंतर्गत एकूण ९९६ पदांसाठी भारतीय नागरिकांकडून अर्ज मागविण्यात येत आहेत.
या भरतीमध्ये वेल्थ मॅनेजमेंट विभागातील महत्त्वाच्या पदांचा समावेश असून, खालील प्रमाणे रिक्त पदे जाहीर झाली आहेत:
व्हीपी वेल्थ (Senior Relationship Manager - SRM) – 506 पदे
एव्हीपी वेल्थ (Relationship Manager - RM) – 206 पदे
कस्टमर रिलेशनशिप एक्झिक्युटिव्ह (CRE) – 284 पदे
या पदांमुळे एसबीआयच्या वेल्थ मॅनेजमेंट व्यवसायात मोठ्या प्रमाणावर मनुष्यबळाची वाढ होणार आहे. विशेषत: रिलेशनशिप मॅनेजमेंट व ग्राहक आधारीत कामांसाठी अनुभवी व्यावसायिकांना संधी मिळणार आहे.
पदांनुसार शैक्षणिक पात्रता, आवश्यक अनुभव, कौशल्य, वयोमर्यादा, नोकरीचे स्वरूप, कराराचा कालावधी आणि वेतन संरचना याबाबतची सविस्तर माहिती एसबीआयच्या अधिकृत संकेतस्थळावर उपलब्ध आहे. उमेदवारांनी अर्ज करण्यापूर्वी संपूर्ण जाहिरात काळजीपूर्वक वाचणे अत्यंत गरजेचे असल्याचे एसबीआयने स्पष्ट केले आहे.
अधिक माहितीसाठी अधिकृत लिंक:
https://sbi.bank.in/web/careers/current-openings
येथेच ऑनलाइन अर्ज आणि शुल्क भरण्याच्या लिंक उपलब्ध आहेत.
अर्ज करण्यासाठी निश्चित केलेली मुदत:
२ डिसेंबर २०२५ ते २३ डिसेंबर २०२५
भरतीसंबंधी कोणताही प्रश्न अथवा शंका असल्यास उमेदवारांनी SBI च्या संकेतस्थळावरील "CONTACT US → Post Your Query" या विशेष लिंकद्वारे आपला प्रश्न नोंदवू शकतात.
या भरतीमुळे एसबीआयच्या वेल्थ मॅनेजमेंट सेवांना देशभरात गती मिळणार आहे. उच्च-मूल्य ग्राहकांपर्यंत पोहोचण्यासाठी बँक सतत मनुष्यबळ वाढवत आहे. रिलेशनशिप मॅनेजमेंट, गुंतवणूक मार्गदर्शन, वित्तीय नियोजन आणि ग्राहक सेवा यामध्ये कुशल व्यावसायिकांना मोठ्या संधी उपलब्ध होणार आहेत.