भारतीय स्टेट बँकेने (SBI) सायबर सुरक्षेशी संबंधित महत्त्वाच्या पदासाठी भरती जाहीर केली आहे. बँकेच्या केंद्रीय भरती व पदोन्नती विभागाकडून ‘ग्रुप सीआयएसओ (मुख्य माहिती सुरक्षा अधिकारी)’ या पदासाठी पात्र भारतीय नागरिकांकडून ऑनलाइन अर्ज मागविण्यात आले आहेत.
SBIच्या जाहिरातीनुसार CRPD/SCO/2026-27/21 या जाहिरात क्रमांकांतर्गत ही भरती करण्यात येत आहे. मुख्य माहिती सुरक्षा अधिकारी (CISO) या पदासाठी १ रिक्त जागा असून, पदासाठी कमाल वयोमर्यादा 57 वर्षे आहे.
बँकिंग क्षेत्रात डिजिटल व्यवहार आणि ऑनलाइन सेवा वाढत असताना सायबर सुरक्षा अधिक महत्त्वाची ठरत आहे. त्यामुळे माहिती सुरक्षा, सायबर जोखीम आणि डिजिटल सुरक्षेशी संबंधित जबाबदाऱ्या सांभाळण्यासाठी SBIकडून या वरिष्ठ पदावर नियुक्ती केली जाणार आहे.
उमेदवारांची वय, अनुभव, नोकरीचा तपशील, आवश्यक शैक्षणिक पात्रता, रिक्त जागेचा तपशील, शुल्क आणि इतर पात्रता निकष याबाबतची सविस्तर माहिती SBIच्या अधिकृत भरती जाहिरातीत देण्यात आली आहे.
या पदासाठी ऑनलाइन अर्ज भरण्याची आणि अर्ज शुल्क भरण्याची प्रक्रिया 8 सप्टेंबर 2026 पासून सुरू झाली असून 24 सप्टेंबर 2026 ही अंतिम तारीख आहे. इच्छुक उमेदवारांनी अंतिम मुदतीपूर्वी ऑनलाइन अर्ज करणे आवश्यक आहे.
उमेदवारांना अर्ज करण्यापूर्वी SBIच्या अधिकृत वेबसाइटवरील सविस्तर जाहिरात काळजीपूर्वक वाचून पात्रता, अनुभव आणि इतर अटींची खात्री करण्याचे आवाहन करण्यात आले आहे.
अधिकृत अर्ज संकेतस्थळ : SBI Careers – Current Openings
SBI Careers
ठिकाण : मुंबई
जाहिरात दिनांक : 4 सप्टेंबर 2026
अर्ज कालावधी : 8 सप्टेंबर ते 24 सप्टेंबर 2026
पद : ग्रुप CISO (मुख्य माहिती सुरक्षा अधिकारी)
रिक्त जागा : 1
कमाल वय : 57 वर्षे