सांगोला अर्बन को-ऑप. बँक लिमिटेड, सांगोला येथे मुख्य कार्यकारी अधिकारी (CEO) आणि सरव्यवस्थापक (General Manager) या महत्त्वाच्या पदांसाठी भरती प्रक्रिया जाहीर करण्यात आली आहे. बँकेने प्रसिद्ध केलेल्या जाहिरातीनुसार दोन्ही पदांसाठी प्रत्येकी १ जागा उपलब्ध असून, संबंधित शैक्षणिक पात्रता आणि अनुभव असलेल्या उमेदवारांकडून अर्ज मागविण्यात आले आहेत.
सहकारी बँकिंग क्षेत्रातील अनुभवी आणि पात्र उमेदवारांसाठी ही महत्त्वाची संधी मानली जात आहे. इच्छुक उमेदवारांनी जाहिरातीत नमूद केलेली पात्रता, अनुभव आणि अर्ज करण्याची पद्धत तपासून १२ नोव्हेंबर २०२६ पूर्वी अर्ज साद करणे आवश्यक आहे.
सांगोला अर्बन को-ऑप. बँकेमध्ये मुख्य कार्यकारी अधिकारी (CEO) पदासाठी एक जागा उपलब्ध आहे. या पदासाठी उमेदवार पदवीधर असणे आवश्यक असून त्यासोबत CAIIB/DBF/DCBM किंवा CA/ICWA अथवा कोणत्याही शाखेतील पदव्युत्तर पदवी यापैकी आवश्यक पात्रता असणे अपेक्षित आहे.
या पदासाठी उमेदवाराचे वय ४५ ते ६० वर्षे असावे. तसेच उमेदवाराकडे मुख्य कार्यकारी अधिकारी पदाचा किमान ५ वर्षांचा किंवा बँकिंग क्षेत्रातील वरिष्ठ अधिकारी पदाचा ८ वर्षांचा अनुभव असणे आवश्यक आहे.
याशिवाय, रिझर्व्ह बँक ऑफ इंडिया अर्थात RBI च्या ‘Fit and Proper’ निकषांनुसार पात्रता असणे आवश्यक आहे. उमेदवाराला डिजिटल बँकिंगचे ज्ञान असणेही अपेक्षित आहे.
महत्त्वाचे म्हणजे, या पदावरील नियुक्ती रिझर्व्ह बँकेच्या मान्यतेनंतरच केली जाणार असल्याचे बँकेने जाहिरातीत स्पष्ट केले आहे.
बँकेमध्ये सरव्यवस्थापक (General Manager) पदासाठीही १ जागा उपलब्ध आहे. या पदासाठी उमेदवार बी.कॉम./एम.कॉम. पदवीधारक असावा. त्यासोबत CAIIB/DCBM किंवा CA/ICWA यापैकी आवश्यक व्यावसायिक पात्रता असणे अपेक्षित आहे.
उमेदवाराला सहकारी बँकिंग क्षेत्रातील गुंतवणूक विभाग, RBI Compliance किंवा संबंधित कामकाजाचा किमान १५ वर्षांचा अनुभव असणे आवश्यक आहे. तसेच या पदासाठी संगणकाचे ज्ञान आवश्यक असल्याचे जाहिरातीत नमूद करण्यात आले आहे.
पात्र उमेदवारांनी आपला अर्ज बँकेच्या पत्र्यावर लेखी स्वरूपात साद करावा किंवा बँकेच्या अधिकृत ई-मेलवर पाठवावा. अर्जासोबत उमेदवाराने आपला फोन नंबर आणि ई-मेल आयडी नमूद करणे आवश्यक आहे.
अर्ज hr@sangolaurban.bank.in या ई-मेल पत्त्यावर पाठविता येणार आहे.
या भरतीसाठी अर्ज करण्याची अंतिम तारीख १२ नोव्हेंबर २०२६ आहे. त्यामुळे इच्छुक आणि पात्र उमेदवारांनी अंतिम मुदतीपूर्वी अर्ज साद करणे आवश्यक आहे.
सांगोला अर्बन को-ऑप. बँक लि., सांगोला
सि.स. नं. २२२४/५, अ व ब, रेल्वे गेटजवळ,
मिरज रोड, सांगोला – ४१३३०७, जि. सोलापूर.
संपर्क : ९६८९०६८३५४
ई-मेल : hr@sangolaurban.bank.in
वेबसाइट : www.sangolaurban.bank.in
ठिकाण : सांगोला
जाहिरात दिनांक : २७ ऑक्टोबर २०२६
सहकारी बँकिंग क्षेत्रातील वरिष्ठ पदांवर कामाचा अनुभव असलेल्या इच्छुक उमेदवारांनी पात्रता आणि अनुभवाच्या अटी तपासून वेळेत अर्ज करावा.