पुणे येतील पुणे जिल्हा मध्यवर्ती सहकारी बँकेचा (पीडीसीसी बँक) १०८ वा स्थापना दिन बँकेच्या मुख्यालयात नुकताच मोठ्या उत्साहात साजरा करण्यात आला. या कार्यक्रमाचे अध्यक्षपद कृषी मंत्री दत्तात्रय भरणे यांनी भूषवले, तर रिझर्व्ह बँक ऑफ इंडियाचे संचालक सतीश मराठे प्रमुख पाहुणे म्हणून उपस्थित होते. या प्रसंगी श्री. मराठे यांनी केक कापून बँकेच्या सातत्यपूर्ण प्रगतीबद्दल कौतुक करून शुभेच्छा दिल्या.
या कार्यक्रमात नाबार्डच्या मुख्य महाव्यवस्थापक रश्मी दरड, सहकार आयुक्त दीपक तावरे, पीडीसीसी बँकेचे अध्यक्ष प्रा. डॉ. दिगंबर दुर्गाडे, उपाध्यक्ष सुनील चांदेरे आणि इतर संचालक, अधिकारी आणि सहकारी नेते यांच्यासह अनेक मान्यवर उपस्थित होते.
मेळाव्याला संबोधित करताना श्री. मराठे म्हणाले की, "पुणे जिल्हा मध्यवर्ती सहकारी बँक ही सहकार क्षेत्रातील एक आदर्श आहे.
राज्य आणि जिल्हा सहकारी बँकांसाठी नवीन व्यवसाय मॉडेल, सहकारी बँकांनी नवीन तंत्रज्ञानाचा अवलंब आणि विकास संस्थांद्वारे ठेवींचे अधिकाधिक एकत्रीकरण करावे यावर त्यांनी भाषणात दिला.
सरकारी उपक्रमांवर प्रकाश टाकताना, त्यांनी प्रत्येक गावात एक विकास संस्था स्थापन झाल्यास ग्रामीण कर्जप्रवाह, शेतकऱ्यांचे उत्पन्न आणि ग्रामीण अर्थव्यवस्थेचे देशाच्या अर्थव्यवस्थेतील योगदान लक्षणीयरीत्या वाढेल, असे निदर्शनास आणून दिले.
कृषी मंत्री भरणे यांनी आपल्या भाषणात पुणे जिल्हा मध्यवर्ती सहकारी बँकेचे वर्णन "शेतकऱ्यांची आई" असे केले, त्यांनी चांगल्या ग्राहक सेवा आणि वेळेवर सुविधांची देण्याची गरज यावर भर दिला. नाबार्डच्या रश्मी दरड यांनी पीएसी आणि तंत्रज्ञानातील बँकेने दिलेल्या योगदानाची प्रशंसा केली आणि सहकारी-नेतृत्वाखालील उद्योगांमध्ये तरुणांचा सहभाग वाढवण्याचे आवाहन केले.
अध्यक्ष प्रा. डॉ. दुर्गाडे यांनी आपल्या मनोगतातून बँकेच्या १०८ वर्षांच्या प्रवासाचा आढावा घेत बँकेच्या भविष्यातील वाटचालीची माहिती दिली. तर सीईओ अनिरुद्ध देसाई यांनी आभार मानले.