नाशिकरोड : दि नाशिकरोड देवळाली व्यापारी सहकारी बँक लि. (NDVS Bank) ने बँकिंग क्षेत्रासोबतच आता विमा क्षेत्रात दमदार पाऊल टाकले आहे. भारतीय विमा नियामक आणि विकास प्राधिकरणाकडून (IRDAI) बँकेला कॉर्पोरेट एजंट (Corporate Agent) म्हणून व्यवसाय करण्याचा अधिकृत परवाना प्राप्त झाला आहे. या यशामुळे बँकेच्या सर्व ग्राहकांना आता जीवन विमा (Life Insurance), जनरल इन्शुरन्स (General Insurance) आणि मेडिक्लेम (Health Insurance) यांसारख्या विविध विमा सेवा बँकेच्या शाखांमध्येच उपलब्ध होणार आहेत.
बँकिंग सेवांसोबत ग्राहकांना एकाच छताखाली सर्वसमावेशक आर्थिक सेवा आणि सुरक्षितता पुरवणे, हा या उपक्रमामागील मुख्य उद्देश आहे.
जीवन विमा (Life Insurance): ग्राहकांच्या कुटुंबाला दीर्घकालीन आर्थिक सुरक्षितता प्रदान करणे.
जनरल इन्शुरन्स (General Insurance): वाहन, मालमत्ता, व्यवसाय व इतर जोखमींपासून संरक्षण.
आरोग्य विमा (Mediclaim / Health Insurance): अचानक उद्भवणाऱ्या वैद्यकीय खर्चाच्या भारापासून कुटुंबाचे आर्थिक संरक्षण.
बँकेच्या सर्व शाखांच्या माध्यमातून ग्राहकांमध्ये विम्याविषयी जागरूकता निर्माण करण्यात येणार आहे. विमा योजना निवडताना ग्राहकांना योजनेच्या अटी-शर्ती, मिळणारे लाभ आणि प्रीमियमची पारदर्शक माहिती देऊन योग्य सल्ला देण्यावर बँकेचा विशेष भर राहील.
"ग्राहकांचा विश्वास हीच आमची खरी संपत्ती आहे. त्यांच्या आर्थिक सुरक्षिततेसाठी आणि सर्वांगीण प्रगतीसाठी बँकिंग सेवांसोबत विमा सेवा उपलब्ध करून देणे हे आमचे महत्त्वपूर्ण पाऊल आहे. यामुळे ग्राहकांना त्यांच्या भविष्यातील आर्थिक नियोजनासाठी अधिक व्यापक व विश्वासार्ह पर्याय मिळतील."
- श्री. निवृत्ती अरिंगळे (अध्यक्ष), श्री. दत्ता गायकवाड (ज्येष्ठ संचालक), सौ. कमल आढाव (उपाध्यक्षा), श्री. नितीन खोले (जनसंपर्क संचालक) व सर्व संचालक मंडळ.
बँकेच्या या नवीन विस्तारामुळे नाशिकरोड देवळाली व्यापारी सहकारी बँकेच्या हजारो ग्राहकांना आर्थिक नियोजन आणि विमा संरक्षणासाठी मोठा दिलासा मिळणार आहे.