सांगली जिल्हा मध्यवर्ती सहकारी बँक लि., सांगलीच्या वतीने मिरज तालुक्यातील अधिकारी व कर्मचाऱ्यांसाठी चलन हाताळणी आणि बनावट नोट ओळख प्रशिक्षण कार्यशाळेचे आयोजन करण्यात आले. २६ सप्टेंबर २०२६ रोजी झालेल्या या कार्यशाळेत बँक ऑफ इंडियाचे करन्सी मॅनेजर श्री. प्रणव पाटील यांनी उपस्थितांना चलन हाताळणी आणि बनावट नोट ओळखण्याबाबत मार्गदर्शन केले.
कार्यशाळेत नोटांवरील विविध सुरक्षा वैशिष्ट्ये, अस्सल व बनावट नोट ओळखण्याच्या पद्धती, नोट स्वीकारताना करावयाची तपासणी तसेच दैनंदिन बँकिंग व्यवहारात चलन हाताळताना घ्यावयाची दक्षता याबाबत प्रात्यक्षिकांसह माहिती देण्यात आली.
बनावट नोटींची ओळख पटविणे, चलन व्यवहारातील अचूकता वाढविणे आणि ग्राहक व्यवहार अधिक सुरक्षितपणे हाताळणे यासाठी आवश्यक बाबी प्रशिक्षणादरम्यान स्पष्ट करण्यात आल्या. श्री. प्रणव पाटील यांनी सोप्या आणि प्रात्यक्षिक पद्धतीने केलेल्या मार्गदर्शनामुळे उपस्थित अधिकारी व कर्मचाऱ्यांना या विषयाचे व्यावहारिक ज्ञान मिळाले.
या कार्यशाळेस मा. मानसिंग पाटील, श्री. प्रशांत भगत तसेच मिरज तालुका विभागीय अधिकारी श्री. रावसाहेब पाटील यांची उपस्थिती होती. बँकेच्या दैनंदिन कामकाजात चलन व्यवहार अधिक सुरक्षित आणि अचूकपणे हाताळण्यासाठी हे प्रशिक्षण उपयुक्त ठरणार असल्याचे यावेळी नमूद करण्यात आले.
अशा प्रशिक्षण उपक्रमांमुळे अधिकारी व कर्मचाऱ्यांचे ज्ञान अद्ययावत होण्यासोबतच बँकिंग व्यवहारातील सुरक्षितता आणि ग्राहकांचा विश्वास अधिक दृढ होण्यास मदत होते.