कोल्हापूर येथील कोल्हापूर जिल्हा मध्यवर्ती सहकारी बँकेच्या मुख्य कार्यकारी अधिकारीपदी प्रभारी मुख्य कार्यकारी म्हणून कार्यरत असलेल्या जी. एम. शिंदे यांच्या नावाला रिझर्व्ह बँकेने नुकतीच मान्यता दिलेली आहे. त्याबद्दल बँकेचे अध्यक्ष व वैद्यकीय शिक्षण मंत्री हसन मुश्रीफ यांनी मुख्य कार्यकारी अधिकारी श्री. शिंदे यांचा पुष्पगुच्छ देऊन सत्कार केला. संचालक मंडळाने मुख्य कार्यकारी अधिकारी म्हणून शिंदे यांच्या नावाची शिफारस रिझर्व्ह बँक ऑफ इंडियाकडे केलेली होती. रिझर्व्ह बँकेच्या "फिट अँड प्रॉपर" या तत्त्वानुसार श्री. शिंदे यांची पात्रता असल्यामुळे त्यांच्या नावाला मंजुरी मिळालेली आहे. यावेळी संचालक बाबासाहेब पाटील-आसुर्लेकर उपस्थित होते.