बीड येथील श्री गजानन नागरी सहकारी बँकेचे सरव्यवस्थापक डॉ. शेख मंजूर अहमद शेख सलीम यांना एसीएमई इन्फो मीडिया आणि "नॅफकब"तर्फे "नॅशनल को-ऑपरेटिव्ह सन्मान समारोह ॲवॉर्ड्स २०२५" मध्ये "बेस्ट सीईओ ॲवॉर्ड" प्रदान करण्यात आला आहे. पुणे येथे नुकताच हा समारंभ पार पडला. "नॅफकब"चे संचालक आदरणीय ओ. पी. शर्मा आणि सुनील देवरा यांच्या हस्ते हा गौरव करण्यात आला. डॉ. शेख मंजूर अहमद यांना यापूर्वीही पीएचडी ॲवॉर्ड, बेस्ट मॅनेजर ॲवॉर्ड आणि दोन वेळा बेस्ट सीईओ ॲवॉर्ड असे चार पुरस्कार मिळालेले आहेत.
डॉ. शेख यांच्या यशाबद्दल माजी मंत्री तथा बँकेचे अध्यक्ष श्री. जयदत्त सोनाजीराव क्षीरसागर उर्फ (अण्णा), बँकेचे उपाध्यक्ष श्री. जगदीश वासुदेवराव काळे उर्फ (भाऊ) यांनी डॉ. शेख यांचे अभिनंदन करून शुभेच्छा दिल्या. याप्रसंगी संचालक श्री.अरुण बाबासाहेब डाके, श्री. अरुण दशरथराव गोरे, श्री. डॉ. दत्तात्रय आघाव, श्री. राजेश सोपानराव तांगडे, श्री. दत्तात्रय सत्यभानराव डोईफोडे, श्री. शरद दिनकरराव ढाकणे, बँकेचे सीईओ श्री. एम. आर. क्षीरसागर, व्यवस्थापक श्री. विलास कुंबेफळकर, वरिष्ठ अधिकारी श्री.आयुब पठाण व इतर अधिकारी व कर्मचारी मोठ्या संख्येने उपस्थित होते.